Վարչապետ Նիկոլ Փաշինյանը տիկնոջ՝ Աննա Հակոբյանի հետ, Ապարան համայնքի Քուչակ բնակավայրի Սուրբ Աստվածածին եկեղեցում մասնակցել է Ազգային ժողովի «Քաղաքացիական պայմանագիր» խմբակցության պատգամավոր Մաթևոս Ասատրյանի հոգեհանգստի արարողությանը: Այս մասին հայտնում են վարչապետի աշխատակազմից։ Հիշեցնենք, որ «Քաղաքացիական պայմանագիր» խմբակցության պատգամավոր Մաթևոս Ասատրյանը մահացել է երեկ: 38-ամյա պատգամավորը հանկարծամահ է եղել։
