Մերկելը և Մակրոնը համագործակցության և ինտեգրման մասին նոր պայմանագիր են ստորագրել

Ֆրանսիայի նախագահ Էմանուել Մակրոնը և Գերմանիայի կանցլեր Անգելա Մերկելն այսօր գերմանական Ախենեում համագործակցության և ինտեգրման մասին նոր պայմանագիր են ստորագրել:

Պայմանագիրը դրույթներ ունի քաղաքականության, տնտեսության, պաշտպանության և անվտանգության, կլիմայի, կրթության և մշակույթի, սահմանամերձ տարածքների ոլորտներում երկու երկրների միջև կապերի ամրապնդման մասին: Պայմանագրի նպատակն է երկու երկրների մերձեցումը և նախապատրաստումը 21-րդ դարի մարտահրավերներին: