Սերժ Սարգսյանը գիտի՞ ՀՀ հաջորդ նախագահի անունը

Հայաստանի նախագահ Սերժ Սարգսնաը "Քարնեգի" հիմնադրամում ամերիկյան փորձագիտական հանրության հետ հանդիպմանը նշել է, որ ինքը կարող է կանխատեսել, թե ով կլինի Հայաստանի ապագա առաջնորը:

"Ես, իրոք, կարող եմ կանխատեսել, թե ով կարող է լինել Հայաստանի ապագա առաջնորդը, բայց վախենամ՝ եթե հայտարարեմ, ապա այդ մարդը դժոխային օրեր կունենա մինչև առաջնորդ դառնալը", - նշել է Սարգսյանը, ում կառավարման երկրորդ ժամկետը կավարտվի 2018 թ.-ին, հայնտում է Panorama.am-ը:

Նախագահը չի հայտարարել Հայաստանի հաջորդ առաջնորդի անունը, քանի որ այդ մարդը կարող է ճիտ չգնահատել իր կանխատեսումը:

"Երկրորդը՝ վախենամ, որ այդ մարդը հիմա ճիշտ չգնահատի իմ կանխատեսումը: Բայց ես գիտեմ՝ ով կարող է լինել և, իմ խորին համոզմամբ, յուրաքանչյուր բարձր ղեկավարի առաջին պարտականությունն է՝ տեսնել, թե ով է իրեն փոխարինելու, բայց պարտադիր չէ դրա մասին հայտարարություններ անել", - նշել է նա: