ՀՀ պետական մարմիններում 2017 թ․ արձանագրվել են շուրջ 5 մլրդ դրամի խախտումներ

338

ՀՀ ֆինանսների նախարարությունը 2017 թվականին պետական մարմիններում իրականացվել է 44 ստուգում, որոնց արդյունքում արձանագրվել են 4 մլրդ 978 մլն դրամի խախտումներ։ Այս մասին հուլիսի 19-ին հայտնել է ֆինանսների նախարար Ատոմ Ջանջուղազյանը։


Նա հավելեց, որ ստուգումները եղել են և ծրագրային, և իրավապահ մարմինների պահանջով, և վարչապետի հանձնարարականով:


«Ընդհանուր առմամբ, արձանագրվել են 4 մլրդ 978 մլն դրամի խախտումներ, որոնք նույնպես եղել են տարբեր բնույթի: Ստուգման արդյունքները քննարկվել են ստուգման օբյեկտի ներկայացուցիչների հետ, առկա են բոլոր տեսակի փաստաթղթերը խախտումների հետ կապված, այնուհանդերձ բոլոր ստուգումների հետ կապված առաջարկվել է համապատասխան մարմինների ղեկավարներին խախտումների վերաբերյալ ձեռնարկել միջոցառումներ»,- ասաց Ջանջուղազյանը, փոխանցում է «Արմենպրես»-ը:


Գործադիրը այսօրվա նիստի ընթացքում հավանություն է տվել ՀՀ ֆինանսների նախարարության` ՀՀ պետբյուջեի կատարման նկատմամբ հսկողության 2017 թ. տարեկան արդյունքների վերաբերյալ հաշվետվությանը: ՀՀ նախարարները, ՀՀ ԿԱ պետական կառավարման մարմինների ղեկավարները, ՀՀ մարզպետներն ի գիտություն կընդունեն հաշվետվությունը և կձեռնարկեն միջոցներ՝ ստուգումների արդյունքում արձանագրված խախտումները, թերությունները վերացնելու և հետագայում այդպիսիք բացառելու ուղղությամբ:

Տպել

Թեմայի այլ նորություններ
Загрузка...