ԱՄՆ սենատի դահլիճը պայթեց ծափահարություններից, երբ լսվեց Նիկոլ Փաշինյանի անունը

221

Հայաստանի համար նոր ժամանակաշրջան է բացվել: Այս մասին ԱՄՆ Սենատում կայացած պետական մակարդակով հաստատված հայ-ամերիկյան հարաբերությունների 100-ամյակին նվիրված ընդունելության ժամանակ նշել է ԱՄՆ պետքարտուղարության ներկայացուցիչ Ջորդան Էնդրյուսը, հաղորդում է «Ամերիկայի ձայնը»:


«Մեր երկրների միջեւ մեկ դար առաջ սկսված գործընկերությունը շարունակվում է առայսօր: ԱՄՆ-ը շարունակում է սատարել Հայաստանին ինքնավար, բարգավաճող, ժողովրդավար պետություն ստեղծելու հարցում», - ասել է նա:


Ընդունելությանը մասնակցել է նաեւ ՀՀ նախագահ Արմեն Սարգսյանը, ով ընդգծել է, որ Հայաստանի հպարտ քաղաքացին է իրականացրել խաղաղ իշխանափոխությունը. «Մենք պետք է հպարտ լինենք, որ կարող ենք աշխարհին օրինակ ծառայել», - ասաց նա:


Երբ Արմեն Սարգսյանն անցել է հեղափոխության առաջնորդներին թվարկելուն, դահլիճը պայթել է ծափահարություններից. «Հատուկ հարգանք պետք է հատուցել նրանց, որոնք Հայաստանի փողոցներում էին հավաքվել, առաջին հերթին ցուցարարներին եւ նրանց առաջնորդ Նիկոլ Փաշինյանին»:


«Մեր այսօրվա ուղերձը հստակ է: Մենք պետք է հաղթենք: Մենք ոչ միայն կարող ենք նոր Հայաստան կառուցել, այլեւ նոր Հայաստանը պետք է հզոր երկիր լինի, որով բոլորս հպարտ կլինենք ու աշխարհում մեզ հպարտ կզգանք, որ հայ ենք»,-մասնավորապես նշել է նախագահը:


Ամերիկացի սենատոր Բոբ Մենենդեսն իր հերթին նշել է. «ՀՀ քաղաքացիները հիացրեցին ամբողջ աշխարհին՝ խաղաղ բողոքների միջոցով ժողովրդավարական կառավարություն բերելով իշխանության»:


«Նոր Հայաստանը, որտեղ հաղթել է ժողովրդավարությունն ու ազատությունը, արժանի է ԱՄՆ զգալի աջակցության», - ասել է կոնգրեսական Ջեքի Սփիրը՝ հավելելով, որ ինքը պայքարում է, որ Հայաստանը ֆինանսական աջակցություն ստանա «Հազարամյակի մարտահրավերներ» ամերիկյան պետական կորպորացիայից: «Հաղթաժ ժողովուրդն արժանի է լավ ապրելու»,-ասել է կոնգրեսականը:


Ընդունելությանը մասնակցել են ամերիկահայ համայնքի` ԱՄՆ տարբեր ծայրերից ժամանած մի քանի հարյուր անդամներ, ԱՄՆ Կոնգրեսի ու Սենատի անդամներ, ԱՄՆ վարչակազմի բարձրաստիճան պաշտոնյաներ:

Տպել

Թեմայի այլ նորություններ
Загрузка...