Միջազգային հանրության հակազդեցության բացակայությունը ոգեշնչել է Ալիեւին. ՀՀ ԱԳՆ

Միջազգային հանրության հակազդեցության բացակայությունը ոգեշնչել է Ալիեւին։ Այդ մասին Twitter-ում գրել ՀՀ ԱԳՆ մամուլի քարտուղար Տիգրան Բալայանը՝ մեկնաբանելով Ադրբեջանի նախագահի հերթական ռազմատենչ հայտարարությունը։

Նշենք, որ նովրուզի տոնակատարությունների ժամանակ Ադրբեջանի նախագահը հայտարարել էր, թե «այսօրվա Հայաստանի տարածքի մեծ մասը պատմական ադրբեջանական հողերում է»:

«Ինչպես եւ ակնկալվում էր. Հայաստանի նկատմամբ Ադրբեջանի նախագահի կողմից հնչեցված տարածքային նկրտումների վերաբերյալ միջազգային հանրության կողմից անհրաժեշտ հակազդեցության բացակայությունը ոգեշնչել է նրան ավելի մեծ տարածքների նկրտումներ ունենալ»,- գրել է Բալայանը: