ԱԳՆ. Եվրոպական խորհրդարանը որևէ փաստաթուղթ չի ընդունել Խոջալուի հետ կապված

Եվրոպական խորհրդարանը որևէ փաստաթուղթ չի ընդունել Խոջալուի հետ կապված։ Ադրբեջանը կրկին խեղաթյուրում է: Այս մասին հայտարարել է ՀՀ ԱԳՆ խոսնակ Տիգրան Բալայանը։

Նա նշել է, որ Ադրբեջանի հետ բարեկամության խմբի անդամ 22 պատգամավոր ստորագրել է հայտարարություն, որում, սակայն, ցեղասպանություն, հայերի կամ Հայաստանի մասին որևէ հիշատակում չկա։

Նախօրեին ադրբեջանական մի շարք լրատվամիջոցներ տարածել էին տեղեկատվություն, թե իբրև ԵԽ-ն հայտարարություն է ընդունել Խոջալուի դեպքերի հետ կապված։

Ավելի վաղ տեղեկացրել էինք, որ Վրաստանի նախագահ Գեորգի Մարգվելաշվիլին Մարնելուլիում ադրբեջանցիների հետ հանդիպմանը հրաժարվել է նրանց խնդրանքով մեկ րոպե լռությամբ հարգել «Խոջալուի ցեղասպանության» զոհերի հիշատակը: Հայկական կողմը բազմիցս է հայտարարել, որ «Խոջալուն» պաշտոնական Բաքվի շահարկումների քաղաքական կապիտալն է: