TJP. Եվրասիայում ոչ մի երկիր չունի այդքան սերտ կապեր Իսրայելի հետ, ինչքան Ադրբեջանը

Վերջին 25 տարվա ընթացքում Իսրայելի ու Ադրբեջանի հարաբերությունները զարգանում են ու ընդլայնվում։ Եվրասիայում ոչ մի երկիր չունի այդքան սերտ կապեր Իսրայելի հետ, ինչքան Ադրբեջանը։ Երկրների միջև հարաբերություններն զարմանալի են թվում, քանի որ Ադրբեջանի բնակչության մեծամասնությունը մահմեդական է, փոխանցում է «The Jerusalem Post»–ը։

Երկրների միջև ապրանքաշրջանառությունը կազմում է 3.5 միլիարդ դոլար։ Եթե նախկինում ապրանքաշրջանառությունը կենտրոնացված էր նավթագազային ոլորտի վրա, ապա այժմ այն ներառում է գյուղատնտեսությունը, ՏՏ ոլորտը, ռազմական արդյունաբերությունը։ Զարգանում են կապերը նաև ռազմա–տեխնիկական ոլորտում։

Ադրբեջանի հրեական համայնքն ակտիվորեն նպաստում է երկրների միջև կապերի ընդլայնմանը։ Ադրբեջանում գործում է 7 սինագոգ, որոնցից հինգը գտնվում են Բաքվում`այդտեղ են գործում նաև հրեական դպրոցները։