Գլենդելի նոր քաղաքապետ է ընտրվել հայազգի Վարդան Կարապետյանը

Գլենդելի նոր քաղաքապետ է ընտրվել հայազգի Վարդան Կարապետյանը: Նա ընտրվել է մայիսի 1-ին Գլենդելի քաղխորհրդի անդամների քվեարկության արդյունքում: Մինչ այդ Կարապետյանը քաղխորհրդի անդամ էր:

Ինչպես հայտնում է Այս The Los Angeles Times-ը, Գլենդելի քաղաքապետն ընտրվում է քաղխորհրդի անդամների կողմից՝ մեկ տարի պաշտոնավարման ժամկետով:

Մայիսի 1-ին Գլենդելի քաղաքապետարանում պաշտոնները ստանձնել են նաև քաղխորհրդում վերընտրված Զարեհ Սինանյանը, Արա Նաջարյանը, ինչպես նաև առաջին անգամ ընտրված Վրեժ Աղաջանյանը:

Պարբերականի փոխանցմամբ՝ Արդի Քասախյանը կշարունակի գործունենությունը որպես քաղաքապետարանի քարտուղար, իսկ Րաֆֆի Մանուկյանը՝ որպես գանձապահ:

Հիշեցնենք, որ Գլենդելը համարվում է ԱՄՆ-ում ամենամեծ համայնք ունեցող քաղաքներից մեկը և Գլենդելի բնակչության հիսուն տոկոսը հայեր են: