Ստիվեն Քինգ. Թրամփի է, երբ Թրամփին հասանելի է ԱՄՆ միջուկային կոճակը

Ավելի սարսափելի է այն, որ ԱՄՆ ներկայիս նախագահ Դոնալդ Թրամփին հասանելի է միջուկային կոճակը, քան թե ցանկացած թրիլեր և սարսափ ժանրի ստեղծագործություն: Այս մասին գրել է իր Twitter-ում ամերիկացի գրող Ստիվեն Քինգը, ով գլխավորապես հայտնի է թրիլեր և սարսափ ժանրում իր վեպերով:

Ինչպես հայտնում է ՏԱՍՍ գործակալությունը, Քինգն իր գրառման մեջ, մասնավորապես, նշել է. «Այն, որ այդ տղային մատը կարմիր կոճակի վրա է, ավելի սարսափելի է ցանկացած սարսափ պատմությունից, որ ես գրել եմ»: Նրա խոսքով, Թրամփի՝ առաջին 100 օրվա թվիթները պատկերել են բավականին հստակ դիմանկար. «Նա մարմնավորում է նարցիսական խանգարում ունեցող անձի դասագրքային օրինակ»։

Հատկանշական է, որ Ստիվեն Քինգն առաջին անգամ չէ, որ հանդես է գալիս Հանրապետական կուսակցության հասցեին քննադատությամբ։ Մինչ նախագահական ընտրությունները նա ավելի քան 450 ամերիկացի գրողներից մեկն է եղել, ովքեր հանդես են եկել միջնորդությամբ՝ կոչ անելով թույլ չտալ Թրամփի ընտրվելու հնարավորություն։