Պուտինը պարզաբանել է, թե որոնք են ԱՊՀ երկրներում անվտանգության սպառնալիքները.

ԱՊՀ երկրներում անվտանգության հիմնական սպառնալիքներն են կազմակերպված հանցագործությունը, թմրանյութերը, ինչպես նաև կոռուպցիան և արտաքին ուժերի ազդեցությունը ներքին քաղաքական իրավիճակի վրա: Ինչպես հաղորդում է RIA Novosti-ն, այս մասին հայտարարել է ՌԴ նախագահ Վլադիմիր Պուտինը:

«Մեր երկրների համար շատ այլ մարտահրավերներ կան: Դրանք են կազմակերպված հանցագործությունը, կոռուպցիան, արտաքին ուժերի ազդեցությունը, որոնք այս թե այն կերպ փորձում են ազդել մեր երկրների ներքին քաղաքական իրավիճակի վրա»,-ասել է Պուտինը ԱՊՀ երկրների անվտանգության մարմինների ղեկավարների հետ հանդիպմանը:

«Ձեր առջև լուրջ խնդիրներ կան, բազմազան: Եվ ինձ համար շատ հաճելի է նշել, որ համագործակցություն է ձևավորվել, որն արդյունավետ զարգանում է»,- հավալել է Պուտինը:

Նա վստահություն է հայտնել, որ ԱՊՀ երկրների հատուկ ծառայությունները հասկանում են նման համագործակցության կարևորությունը և կշարունակեն զարգացնել այն: