Լեմկինի ինստիտուտը պատասխանել է Ադրբեջանի հայտարարությանը Միջազգային դատարանում

Ցեղասպանության կանխարգելմամբ զբաղվող Լեմկինի ինստիտուտն իր կարծիքն է հայտնել միջազգային դատարանում Ադրբեջանի արած հայտարարության վերաբերյալ՝ ընդգծելով Ադրբեջանի հայտարարությունների և գործնականում նրա գործողությունների միջև առկա հակասությունը:

Լեմկինի ինստիտուտի հայտարարության մեջ նշվում է, որ այն ժամանակ, երբ Ադրբեջանը շարունակում է Արցախում հայկական ժառանգության և ինքնության ոչնչացումը, Բաքուն միջազգային դատարանի առջև հայտարարում է, որ առաջարկում է հեշտացնել հակամարտության հետևանքով տեղահանված բոլոր փախստականների և տեղահանված անձանց վերադարձն իրենց տներ:

Լեմկինի ինստիտուտն ընդգծում է Ադրբեջանի հայտարարությունների և գործնականում նրա գործողությունների միջև առկա հակասությունը՝ մատնանշելով օկուպացված տարածքներում հայկական ժառանգության հետքերը ջնջելու ակտիվ գործողությունները: