Պուտինը կքննարկի Ալիևի հետ իրավիճակը Հայաստանի և Ադրբեջանի սահմանին

Կրեմլում հույս ունեն, որ ՀԱՊԿ խումբը հայ-ադրբեջանական սահման կժամանի այս շաբաթ, այս թեման կքննարկվի Ռուսաստանի և Ադրբեջանի նախագահների հանդիպմանը։

Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը։

«Այս շաբաթ, հույս ունենք, տեսչական խումբը, այնուամենայնիվ, ՀԱՊԿ գլխավոր քարտուղար Ստանիսլավ Զասի գլխավորությամբ կժամանի սահման, որպեսզի այնուհետև պատրաստի իր զեկույցը ՀԱՊԿ երկրների ղեկավարների համար: Իսկ վաղը կկայանա նախագահ Պուտինի շփումը Ադրբեջանի նախագահ Ալիևի հետ, որի ժամանակ, իհարկե, այդ հարցը նույնպես կլինի օրակարգի առաջնային տեղում»,- Պեսկովի խոսքերն է մեջբերում ՌԻԱ Նովոստին։