Արցախի խորհրդարանի ղեկավարին փոխանցվել է խնդրագիր

Արցախի Հանրապետության Ազգային ժողովի նախագահ Արթուր Թովմասյանին են դիմել Ադրբեջանի վերահսկողության տակ անցած Ասկերանի շրջանի վերին ենթաշրջանի համայնքների վարչակազմերի աշխատակիցները։

Արցախի Հանրապետության կառավարության որոշմամբ հուլիսի 1-ից կդադարեցվի բռնազավթված բնակավայրերի պետական ​​հիմնարկներում աշխատող տեղահանվածներին պարապուրդի վճարման գործընթացը։

Ստորագրահավաքի հեղինակները խնդրում են խորհրդարանի նախագահին միջնորդել պարապուրդի վճարումը շարունակելու հարցում։

Խորհրդարանի ղեկավարն ապրիլին կայացած հերթական հանդիպման ժամանակ իր դիրքորոշումն է հայտնել խնդրագրի վերաբերյալ։ Արթուր Թովմասյանն ընդգծել է, որ ՊՈԱԿ-ը պետք է լուծարվի միայն աշխատողների աշխատանքի ընդունվելու դեպքում: