Վրաստանում կանխել են Հայաստան եկող գազատարի պայթեցումը

Վրաստանի ազգային անվտանգության ծառայությունը կանխել է երկրի տարածքում ՌԴ-ից Հայաստան գազատարի պայթեցման փորձը: Այս մասին ասված է կառույցի պաշտոնական հաղորդագրության մեջ:

Տեղեկությունը VERELQ-ի հետ զրույցում հաստատեցին նաև ՀՀ էներգետիկայի և բնական պաշարների նախարարությունից:

Նշվում է, որ օգոստոսի 20-ին այս գործի շրջանակում ձերբակալվել է Վրաստանի հինգ քաղաքացի: Նախաքննությունը պարզել է, որ հանցագործները ծրագրել էին պայթեցնել Սագուրամո գյուղի մոտով անցնող գազատարի բաց հատվածը, ինչի նպատակով օգոստոսի 20-ին ուղևորվել են դեպի Ժինվալի-Շատիլի ավտոճանապարհի այն հատված, որտեղ տեղակայված է եղել իրենց զինանոցը:

.