Իրանը չափազանցություն է համարում հնարավոր պատերազմի մասին խոսակցությունները. դիվանագետ

Հայաստանում Իրանի դեսպան Մեհդի Սոբհանին, ելույթ ունենալով «Շանհայի ոգու խթանում. ՇՀԿ-ն գործողության մեջ» սեմինարին, ասաց, որ Իրանի մասնակցությամբ հնարավոր պատերազմի մասին լուրերը նպատակ ունեն լարվածություն ստեղծել տարածաշրջանում։ Թեհրանը, սակայն, պատրաստ է իրադարձությունների ցանկացած զարգացման, հայտնում է Sputnik Արմենիան։

Ավելի վաղ մի քանի լրատվամիջոցներ հայտնել էին, որ Իրանի հետ լարվածության աճի ֆոնին ԱՄՆ-ը լրացուցիչ ուժեր և միջոցներ է փոխանցում Մերձավոր Արևելք: Պենտագոնի խոսնակ Շոն Փարնելը պարզաբանել է, որ այդ միջոցներն ուղղված են «կայունության ամրապնդմանը, ագրեսիայի կանխմանը և առևտրի ազատ հոսքի ապահովմանը»։

«Այս լուրերի նպատակն է արհեստականորեն սրել իրավիճակը տարածաշրջանում: Այս պատմությունները և նրանց ստեղծած հոգեբանական մթնոլորտը մեզ վրա չեն ազդում: Մենք կարծում ենք, որ դիվանագիտական ​​ուղին բաց է մնում, բայց և պատրաստ ենք ցանկացած արկածախնդրության»,- ասել է Սոբհանին: