Զելենսկին լքել է երկիրը, այժմ գտնվում է Լեհաստանում. Վյաչեսլավ Վոլոդին

Ուկրաինայի նախագահ Վլադիմիր Զելենսկին լքել է երկիրը, այժմ գտնվում է Լեհաստանում։ Այս մասին ուրբաթ օրը հայտարարել է Պետդումայի խոսնակ Վյաչեսլավ Վոլոդինը իր Telegram ալիքում, փոխանցում է ՏԱՍՍ-ը։

«Զելենսկին լքել է Ուկրաինան, Գերագույն Ռադայի պատգամավորներն ասել են, որ Լվովում չեն կարողացել նրա մոտ հասնել»,- գրել է ՌԴ խորհրդարանի ստորին պալատի նախագահը։ «Այժմ նա Լեհաստանում է»,- հավելել է Վոլոդինը։

Փետրվարի 24-ին ՌԴ նախագահ Վլադիմիր Պուտինը հայտարարեց Ուկրաինայում հատուկ ռազմական գործողության մասին՝ ի պատասխան Դոնբասի հանրապետությունների ղեկավարների օգնության դիմումի։ Նա ընդգծել է, որ Մոսկվայի ծրագրերը չեն ներառում ուկրաինական տարածքների օկուպացումը, նպատակը երկրի ապառազմականացումն ու ապաազգայնացումն է։

Ինչպես հայտարարել են ՌԴ ՊՆ-ում, ռուս զինվորականները ոչ թե հարվածներ են հասցնում քաղաքներին, այլ խոցում են միայն ռազմական ենթակառուցվածքը, ուստի խաղաղ բնակչությանը ոչինչ չի սպառնում։