Պուտինը Պետդումա է ուղարկել ՌԴ քաղաքացիություն ստանալը պարզեցնող օրենք

Ռուսաստանի նախագահ Վլադիմիր Պուտինը Պետդումա է ներկայացրել «Ռուսաստանի Դաշնության քաղաքացիության մասին» դաշնային օրենքի նախագիծը, հաղորդում է ՌԲԿ-ն:

Նոր օրենքն առաջարկում է ընդլայնել նախագահի լիազորություններն այն անձանց կատեգորիաների սահմանման հարցում, որոնք իրավունք ունեն պարզեցված կարգով ձեռք բերել Ռուսաստանի քաղաքացիություն:

Օրինագիծը նաեւ ենթադրում է ավելի քան 20 կատեգորիայի անձանց քաղաքացիություն ստանալու դեպքում պահանջների թվի կրճատում:

Խոսքը վերաբերում է նախկին ԽՍՀՄ քաղաքացիներին եւ նրանց երեխաներին, ՌԴ-ում կամավոր վերաբնակեցման աջակցության պետական ծրագրի մասնակիցներին, որոնք բնակվում են արտերկրում, ինչպես նաև այն մարդկանց, որոնց հարազատներն ապրում են Ռուսաստանում եւ նրա քաղաքացիներն են:

Օրինագիծը վերաբերում է նաև այն մարդկանց, որոնց հարազատները մշտապես ապրել են ռուսական կայսրության կամ ԽՍՀՄ տարածքում, եւ Ռուսաստանի քաղաքացիություն ստանալու այլ հավակնորդներին.

Առաջարկվում է միայն քաղաքացիություն ստանալը իրականացնել բացառիկ կարգով։ Այդ կարգավորումը կտարածվի.

Հայրենական մեծ պատերազմի վետերանները՝ նախկին ԽՍՀՄ քաղաքացիներ են, Ռուսաստանի առջև հատուկ ծառայություններ ունեցող անձանց, անձանց, ովքեր հետաքրքրություն են ներկայացնում երկրի համար իրենց մասնագիտության կամ որակավորման համար:

«Մնացած կատեգորիաների անձանց նկատմամբ Ռուսաստանի Դաշնության քաղաքացիության հարցերի վերաբերյալ որոշումներ ընդունելու իրավունք ունեն Ռուսաստանի ՆԳՆ-ն եւ Ռուսաստանի ԱԳՆ-ն», - ասված Է փաստաթղթի նախագծում: