Արցախից ռուս խաղաղապահների դուրսբերման գործընթացը կավարտվի մոտ ապագայում

Առաջիկայում կավարտվի Արցախից ռուսական խաղաղապահ կոնտինգենտի դուրսբերման գործընթացը: Այս մասին լրագրողներին ասել է Ադրբեջանի ՊՆ մամուլի ծառայության ղեկավար Անար Էյվազովը, գրում են ադրբեջանական լրատվամիջոցները։

«Մեր երկրի տարածքից ռուս խաղաղապահների դուրսբերման վերաբերյալ Ադրբեջանի և Ռուսաստանի նախագահների միջև ձեռք բերված պայմանավորվածության համաձայն՝ միջոցառում է անցկացվում՝ կապված ռուս խաղաղապահների գործունեության դադարեցման հետ։ Այսօր միջոցառմանը մասնակցում են բարձրաստիճան սպաներ Ադրբեջանից և Ռուսաստանից։ Խաղաղապահների դուրսբերման գործընթացը շարունակվում է և կավարտվի մոտ ապագայում։ Հիմա խաղաղապահների բազայում ենք։ Նշեմ, որ խաղաղապահների դուրսբերումն իրականացվում է պլանի համաձայն»,- ասել է Էյվազովը