Իրանի նախագահը Ռուսաստան կայցելի 2022 թվականի սկզբին

Իրանի նախագահ Իբրահիմ Ռաիսին պաշտոնական այցով Ռուսաստան կժամանի 2022 թվականի սկզբին, հայտարարել է Իրանի կառավարության պաշտոնական ներկայացուցիչ Ալի Բահադորին:

Այս մասին հայտնում են տեղական լրատվամիջոցները։

«Ռաիսին Ռուսաստան կմեկնի 2022 թվականի սկզբին, այս պահին նախագահի քաղաքական հարցերով տեղակալը կազմում է այցի ծրագիրը», - Բահոդարիի խոսքը մեջբերում է Tasnim գործակալությունը:

Նրա խոսքով՝ Ռաիսին մտադիր է քննարկել Թեհրանի եւ Մոսկվայի երկկողմ եւ առեւտրատնտեսական համագործակցության հարցերը: