2019 թվականին աշխարհի ամենաերջանիկ երկիր է ճանաչվել Ֆինլանդիան: ՄԱԿ-ի հրապարակած համաշխարհային երջանկության մասին զեկույցում (World Happiness Report), որում ներկայացված է 156 երկիր, Հայաստանը զբաղեցրել է 116-րդ տեղը: Հայաստանին հաջորդում է Իրանը՝ 117-րդ հորիզոնական, իսկ Վրաստանը հայտնվել է 119-րդ տեղում: Հարավային Կովկասի երկրներից ամենաերջանիկը ճանաչվել է Ադրբեջանը, որը զբաղեցրել է 90-րդ հորիզոնականը: Ի դեպ, Հայաստանը իր դիրքերը ո՛չ զիջել է, ո՛չ բարելավել նախորդ տարվա համեմատ. 2018 թվականին ևս ՀՀ-ն երջանիկ երկրների ցանկում 116-րդ հորիզոնականում էր: Մինչդեռ 2017 թվականի տվյալներով 129-րդն էր: Ռուսաստանը տեղակայվել է վարկանիշային աղյուսակի 68-րդ աղյուսակում, Բելառուսը՝ 81, իսկ Ուկրաինան հայտնվել է 133-րդ հորիզոնականում: Ամենաերջանիկ երկրների առաջին հնգյակում են նաև Դանիան, Նորվեգիան, Իսլանդիան և Նիդերլանդները: ԱՄՆ-ն հայտնվել է աղյուսակի 19-րդ տեղում:
