Աղքատության աճը աշխարհում նոր թափ է հավաքում, ամենավատը դեռ առջևում է. ՄԱԿ

Կորոնավիրուսի ազդեցությունը աշխարհում աղքատության աճի վրա նոր թափ է հավաքում, ամենավատը դեռ առջևում է: Ինտերֆաքսի հաղորդմամբ, այս մասին ասված է ՄԱԿ-ի զեկույցում:

Ըստ The Guardian-ի, աղքատության և մարդու իրավունքների հարցերով ՄԱԿ-ի հատուկ զեկուցող Օլիվիե դե Սխուտերն ասում է, որ աշխարհում 176 միլիոն մարդ կարող է համալրել աղքատների շարքերը, եթե օրվա կենսաապահովման նվազագույն վերցվի 3,2 դոլարը:

Նա նշել է, որ համաճարակի տնտեսական հետևանքներն աննախադեպ են խաղաղ պայմաններում և համեմատել իրավիճակը 1930-ականների Մեծ դեպրեսիայի հետ:

Զեկուցողը դիմել է աշխարհի առաջնորդներին, որոնք պետք է հավաքվեն սեպտեմբերին ՄԱԿ-ի Գլխավոր ասամբլեայի` խնդրելով ավելի վճռական քայլեր ձեռնարկել աշխարհում աղքատությունը վերացնելու և անհավասարությունը նվազեցնելու ուղղությամբ: