Թուրքիայի արկածախնդրությունը կարող է տարածաշրջանային պատերազմ հրահրել: Reuters-ի փոխանցմամբ՝ այս մասին հայտարարել է Իրաքի վարչապետ Հայդեր ալ-Աբադին: Նա նշել է, որ Բաղդադը բազմիցս Անկարային կոչ է արել չմիջամտել Իրաքի ներքին գործերին: «Թուրքիայի ղեկավարության պահվածքն անընդունելի է: Վախենում եմ, որ թուրքական արկածախնդրությունը կարող է տարածաշրջանային պատերազմի վերաճել»,- նշել է նա՝ հավելելով, որ Իրաքը Թուրքիայի հետ ռազմական առճակատում չի ուզում: Նշենք, որ անցած շաբաթ Թուրքիայի խորհրդարանը քվեարկել է Իրաքում իր ռազմական ներկայությունը եւս մեկ տարով երկարաձգելու օգտին: Իրաքի խորհրդարանը դատապարտել է Թուրքիայի գործողությունները՝ կոչ անելով իրաքյան տարածքից դուրս բերել թուրքական 2000-անոց զորախումբը: