Հունվարի 17-ին որոնողափրկարական աշխատանքների արդյունքում հայտնաբերվել է 3 մարմին՝ մեկը Որոտանից, երկուսը Ջաբրայիլից։ Այս մասին հայտնել է Արցախի արտակարգ իրավիճակների պետական ծառայության տեղեկատվության եւ հասարակայնության հետ կապերի բաժնի պետ Հունան Թադևոսյանը։ Նա նշել է, որ Որոտանից դուրս բերված անձի ինքնությունը հայտնի է՝ Արսեն Մամիկոնյան։ Որոնողական աշխատանքները շարունակվում են Հադրութում, Ջաբրայիլում և Ֆիզուլիում: Առ այսօր ընդհանուր առմամբ հայտնաբերվել է 1238 զոհված զինծառայողի մարմին:
