Ադրբեջանում Թուրքիայի դեսպան Էրքան Օզորալը մեկնաբանել է մամուլում շրջանառվող լուրերն այն մասին, որ ադրբեջանցի միգրանտներին Թուրքիայից զանգվածային կերպով վտարում են: Դիվանագետը նշել է, որ այդ լուրերը իրականությանը չեն համապատասխանում: Էրքան Օզորալը հավելել է, որ Թուրքիայում բնակվող ադրբեջանցիները խնդիրները քննարկվել են 2 օր առաջ՝ Ադրբեջանի և Թուրքիայի միջև տնտեսական համագործակցության միջկառավարական հանձնաժողովի նիստում, որն անցկացվել է Թուրքիայի փոխնախագահ Ֆուադ Օքտայի և Ադրբեջանի վարչապետ Նովրուզ Մամեդովի նախագահությամբ:
