Թբիլիսիից ոչ հեռու գտնվող տեղանքում Վրաստանն Ադրբեջանի եւ Թուրքիայի հետ համատեղ զորավարժություններ կանցկացնի: Այս մասին հայտնել է Վրաստանի ՊՆ մամուլի ծառայությունը: Նշվում է, որ եռակողմ ձեւաչափով «Կովկասյան արծիվ» զորավարժություններն անցկացվում են 2009 թվականից՝ երրորդ անգամ: «Մինչ այդ դրանք անցկացվել են Թուրքիայում: Այս անգամ զորավարժություններին կմասնակցեն հատուկ նշանակության ջոկատները, երկու բազմաթիրախային ուղղաթիռ, մեկ օդանավ», - հայտնում է Վրաստանի ՊՆ-ի մամուլի ծառայությունը: Եռակողմ ձևաչափով ռազմաքաղաքական համագործակցությունը դարձել է բավականին ինտենսիվ և այն գնալով ինստիտուցիոնալացվում է: Համագործակցությունը սկսվեց Հայաստանը շրջանցելու նպատակով ադրբեջանա-թուրքական նախաձեռնությամբ իրականացվող այնպիսի տարածաշրջանային ծրագրերից, որոնք են Բաքու-Թբիլիսի-Ջեյհան նավթամուղը, երեք երկրենրը միմայնց կապող գազամուղն ու երկաթուղին: Այժմ համագործակցությունը թևակոխել է նաև ռազմական ոլորտ: Օրեր առաջ երեք երկրների պաշտպանության նախարարները Բաթումում համատեղ հայտարարություն էին ստորագրել՝ մատնանշելով, որ կողմերը շարունակելու են ջանքեր գործադրել՝ միջազգային մակարդակով խաղաղություն եւ կայունություն ապահովելու համար: Նշվել է նաեւ, որ կողմերը ճանաչում են միմյանց տարածքային ամբողջականությունը:
