Կյանքը ցույց կտա. ՌԴ դեսպանը՝ Արցախում խաղաղապահների անժամկետ ներկայության մասին

Լեռնային Ղարաբաղում ռուսական խաղաղապահ զորախումբը կարևոր ներդրում ունի, որ մարդիկ այս տարածաշրջանում ապրեն անվտանգության զգացումով և ապագայի տեսլականով: Այս մասին լրագրողների հետ ճեպազրույցում ասաց ՀՀ-ում ՌԴ դեսպան Սերգեյ Կոպիրկինը։

«Սա այս բարդ իրավիճակում խաղաղության ու լավատեսության իսկապես լուրջ և կարևոր գործոն է»,- ասաց նա։

Ինչ վերաբերում է կողմերի հետագա գործողություններին և խաղաղապահների անժամկետ ներկայության  հեռանկարին, Սերգեյ Կոպիրկինը հակիրճ պատասխանեց. «Կյանքը ցույց կտա»։