ՀԱՊԿ ներկայացուցիչները Լիբանանում ծանոթացել են հայ խաղաղապահների գործունեությանը

2021 թվականի դեկտեմբերի 5-ից 9-ն ընկած ժամանակահատվածում ՀԱՊԿ քարտուղարության եւ Միացյալ շտաբի ներկայացուցիչները գտնվում են Լիբանանի Հանրապետությունում ՄԱԿ-ի "UNIFIL" խաղաղապահ առաքելությունում: Այս մասին հայտնում են ՀԱՊԿ մամուլի ծառայությունից։

Այս մասին պայմանավորվածությունը ձեռք է բերվել ՀԱՊԿ գլխավոր քարտուղար Ստանիսլավ Զասիայի և ՄԱԿ-ի գլխավոր քարտուղարի խաղաղապահ գործողությունների գծով տեղակալ Ժան-Պիեռ Լակրուայի բանակցությունների արդյունքում ս. թ. հունիսին:

ՀԱՊԿ-ում ներկայումս ակտիվորեն աշխատանքներ են տարվում ՄԱԿ-ի խաղաղապահ գործունեության մեջ ՀԱՊԿ-ի խաղաղապահ ներուժի ներդրման ուղղությամբ, ինչը կազմակերպության գործունեության գերակա ուղղություններից մեկն է: Այցի հիմնական նպատակը ՄԱԿ-ի "UNIFIL" առաքելության գործունեությանը ծանոթանալն է, բազմազգ խաղաղապահ զորակազմերի կողմից խաղաղապահ խնդիրների կատարման առանձնահատկությունների ուսումնասիրությունը:

Աշխատանքային հանդիպումներ են տեղի ունեցել ՄԱԿ-ի առաքելության ղեկավարի պաշտոնակատար Ջեք Խրիստոֆիդեսի, ինչպես նաև Լիբանանում ՄԱԿ-ի ժամանակավոր ուժերի շտաբի պետ բրիգադի գեներալ Յուբեր Գոմարի հետ: Կողմերը մտքեր են փոխանակել խաղաղապահության ոլորտում համագործակցության հնարավոր ուղղությունների վերաբերյալ:

Առաքելության ղեկավարության շտաբում ճեպազրույցների ընթացքում "UNIFIL" - ի մասնագետները տեղեկացրել են առաքելության կառուցվածքի եւ խաղաղապահ գործողության անցկացման գոտում խաղաղապահների կողմից լուծվող հիմնական խնդիրների մասին:

ՀԱՊԿ ներկայացուցիչները այցելում են նաև խաղաղապահ զորակազմեր, այդ թվում՝ ՀԱՊԿ անդամ պետությունների՝ Հայաստանի Հանրապետության, Բելառուսի Հանրապետության և Ղազախստանի Հանրապետության զինծառայողներից կազմված:

Խաղաղապահ առաքելության եւ խաղաղապահ զորակազմի սեկտորների հրամանատարության հետ Նախատեսվում է խորհրդատվությունների անցկացում եւ փորձի փոխանակում գործնական հետաքրքրություն ներկայացնող հարցերի շուրջ: Մասնավորապես, ազգային խաղաղապահ զորակազմերի գործունեության և փոխգործակցության պայմաններին, դրանց պատրաստման առանձնահատկություններին, նյութատեխնիկական և իրավական ապահովման առանձնահատկություններին, համատեղելի սպառազինությամբ և ռազմական տեխնիկայով հագեցվածությանը և մի շարք այլ թեմաների: