Ֆրանսիայում Հայաստանի և Վրաստանի քաղաքացիները ձերբակալվել են հատուկ գործողության ընթացքում

Ֆրանսիայում Վրաստանի և Հայաստանի քաղաքացիներին ձերբակալել են այսպես կոչված «ռուսական մաֆիայի» հանցավոր ցանցի ոչնչացման հատուկ գործողության ընթացքում: Այս մասին ասված է Ֆրանսիայի ազգային ժանդարմերիայի հաղորդագրության մեջ, փոխանցում է «Սպուտնիկ Գրուզիան»։

Հետաքննության տվյալներով՝ ձերբակալվածները եղել են այն խմբավորումների անդամներ, որոնք զբաղվել են մաքսանենգ ծխախոտի եւ գողացված ավտոմեքենաների առեւտրով: «Կանխվել է անդրազգային հանցավոր կառույցի գործունեությունը, որը զբաղվել է ծխախոտի եւ գողացված ավտոմեքենաների անօրինական շրջանառությամբ», – ասված է հայտարարության մեջ:

Նշվում է, որ ընդհանուր առմամբ ձերբակալվել է 37 մարդ և կատարվել է 61 խուզարկություն։ Հատուկ գործողության այլ մանրամասներ առայժմ չեն հաղորդվում: