Փարիզում բացվեց հայկական չորրորդ փառատոնը

Այսօր Փարիզում բացվեց Հայ Առաքելական Եկեղեցու Ֆրանսիայի թեմի կողմից կազմակերպված՝ հայկական չորրորդ փառատոնը։ Այդ մասին ֆեյսբուքյան իր էջում գրել է Ֆրանսիայում ՀՀ դեսպանությունը:

«Փառատոնը բացեցին Ֆրանսիայի թեմի առաջնորդ Վահան եպիսկոպոս Հովհաննիսյանը, Ֆրանսիայում ՀՀ դեսպան Հասմիկ Տոլմաջյանը, Փարիզի 8-րդ շրջանի քաղաքապետ Ժանն Դ՛Օտսերը, Փարիզի 9-րդ շրջանի քաղաքապետ Դելֆին Բյուրկլին, Ֆրանսիայի ԱԺ պատգամավոր Սիլվեն Մայարը, Ֆրանսիայում Արցախի մշտական ներկայացուցիչ Հովհաննես Գևորգյանը։

Փառատոնի ընթացքում ելույթ ունեցան հայկական երաժշտական և պարային խմբեր, իսկ հայկական խոհանոցը և արվեստը ներկայացված էր բազմաթիվ տաղավարներով», - ասված է հաղորդագրության մեջ։