ՆԱՏՕ-ի գլխավոր քարտուղարը դեմ է ԵՄ-ի միասնական բանակի ստեղծմանը

Եվրոպական միության միասնական բանակը կարող է պառակտել Եվրոպայի անվտանգության պլանները և չի կարող փոխարինել ՆԱՏՕ-ին։ Այս մասին հայտարարել է ՆԱՏՕ-ի գլխավոր քարտուղար Յենս Սթոլթենբերգը, փոխանցում է HCH-ը։

«Ես ողջունում եմ պաշտպանության ապահովման եվրոպական ջանքերը, սակայն նման մի բանը երբեք չի կարող փոխարինել ՆԱՏՕ-ին։ Բացի այդ, անհրաժեշտ է ապահովել, որ Եվրոպան և Հյուսիսային Ամերիկան միասնական մնան։ Հյուսիսային Ամերիկայի եւ Եվրոպայի կապը թուլացնելու ցանկացած փորձ ոչ միայն կթուլացնի ՆԱՏՕ-ն, այլև կապակենտրոնացնի Եվրոպան։ Մեր պաշտպանական ծախսերի 80 տոկոսը բաժին է ընկնում ԵՄ անդամ չհանդիսացող դաշնակիցներին», - ասել է Սթոլթենբերգը:

ՆԱՏՕ-ի գլխավոր քարտուղարի կարծիքով՝ ԱՄՆ-ը, Կանադան եւ Թուրքիան լինելով ՆԱՏՕ-ի առանցքային երկրներ, որոնք չեն մտնում ԵՄ կազմի մեջ, այնուամենայնիվ, Եվրամիության անվտանգության գլխավոր երաշխավորներն են: