Ադրբեջանը Թուրքիայի միջնորդությամբ Լեռնային Ղարաբաղի օկուպացված հատված է տեղափոխում գրոհայիններին։ Այս մասին NEWS.AM–ի թղթակցի հետ զրույցում ասել է Արցախի ԱԳՆ ղեկավար Դավիթ Բաբայանը:
"Այն բանից հետո, երբ "Թալիբանը" իշխանություն վերցրեց Աֆղանստանում, "Ալ-Քաիդայի" գրոհայինների մի մասը շտապ կարգով տեղափոխվում է Արցախի Հանրապետության՝ Ադրբեջանի կողմից օկուպացված տարածքներ։ Դա արվում է Թուրքիայի հետ համատեղ և մի քանի նպատակ է հետապնդում: Բնականաբար, Թուրքիան ցանկանում է փրկել իր գրոհայինների կորիզը, որոնց նա օգտագործում է տարբեր տարածաշրջաններում, հիմնականում Մերձավոր Արևելքում։ Լեռնային Ղարաբաղի օկուպացված տարածքներում գրոհայինների տեղակայումը լուրջ խնդիրներ կստեղծի Ռուսաստանի, Իրանի, ընդհանուր առմամբ տարածաշրջանային անվտանգության համար, եւ յուրօրինակ վերահսկողություն է հանդիսանում հենց Ադրբեջանի նկատմամբ: Այդ տարածաշրջաններում արդեն շատ են, Փաստորեն, ոչ Բաքվի վերահսկողության տակ գտնվող, բայց Թուրքիայի վերահսկողության տակ գտնվող միջազգային ահաբեկչական խմբավորումները։
Այսպիսով, Թուրքիան ամրապնդում է իր դիրքերը Ադրբեջանում։ Չնայած "եղբայրության", "մեկ ժողովրդի՝ երկու պետությունների" կարգախոսներին, Թուրքիան օգտագործում է ուժային լծակներ, որպեսզի "եղբայրը" չվերանայի Անկարայի խնդրի վերաբերյալ իր "եղբայրական հարաբերությունները": Մենք տեսնում ենք խորը մտածված աշխարհաքաղաքական գիծ, որտեղ ակտիվորեն օգտագործվում են արմատական ահաբեկչական ուժերը։ Ինչ-որ կերպ կոծկելու համար տեղեկություններ են ստացվում, թե իբր Լեռնային Ղարաբաղի օկուպացված հատված աֆղանցի փախստականներ են տեղափոխվել ։ Մենք բոլորս գիտենք, որ Աֆղանստանից փախստականները նախընտրում են արեւմտյան երկրները։ Քանի որ փախստականներ են դառնում մարդիկ, ովքեր այսպես թե այնպես համագործակցել են արևմտյան կոալիցիայի հետ, ունեն մոտեցումներ, որոնք տարբերվում են "Թալիբանի" մոտեցումներից Աֆղանստանում հասարակական կարգի և պետականաշինության հարցում, և նրանք Ադրբեջանում անելիք չունեն, առավել ևս գրավյալ տարածքներում, որտեղ Ադրբեջանը ոչնչացնում է այն ամենը, ինչ կա, այդ տարածքները վերածում է պլացդարմի։ Դրա համար անհրաժեշտ է, որ այդ տեղեկատվությունը ստուգեն միջազգային կառույցները և շահագրգիռ պետությունների համապատասխան կառույցները՝ հաշվի առնելով, թե կայունության և անվտանգության ինչպիսի վտանգ է կրում գրոհայինների նման տեղափոխումը", - նշել է Դավիթ Բաբայանը։
VERELQ-ը հիշեցնում է, որ ավելի վաղ Wargonzo Telegram ալիքը հայտնել էր, որ վերջին մի քանի օրերին Ադրբեջան են ժամանել մի քանի մեծ խմբաքանակ փախստականներ Աֆղանստանից:
"Ալիևին ընդունել մի քանի հազար աֆղանցիների պարտավորեցրել է Էրդողանը, որն այժմ ակտիվորեն փորձում է սեփական խաղն խաղալ Աֆղանստանում "Թալիբանի" հաղթանակից հետո ստեղծված իրավիճակում", - ասվում էր WarGonzo-ի գրառման մեջ:
