Հայաստանը տարածքային զիջումների չի գնա անգամ նոր պատերազմի սպառնալիքի դեպքում. Փաշինյան

ՀՀ վարչապետ Նիկոլ Փաշինյանը խորհրդարանի ամբիոնից այսօր հայտարարեց, որ Հայաստանը տարածքային զիջումների չի գնա անգամ նոր պատերազմի սպառնալիքի դեպքում:


Վարչապետի հայտարարությունը հնչեց ի պատասխան «Պատիվ ունեմ» դաշինքի անդամ Տիգրան Աբրահամյանի հարցի: Պատգամավորը, մասնավորապես, հիշեցրեց Ադրբեջանին փոխանցված, սակայն նոյեմբերի 9-ի Եռակողմ հայտարարության մեջ հանձնման ենթակա տարածքների ցանկում չներառված տարածքները: Ընդդիմադիր գործիչը հիշեցրեց, որ այն ժամանակ իշխանություններն իրենց գործողությունները բացատրում էին պատերազմի վերսկսման սպառնալիքը վերացնելու ցանկությամբ: Այս կապակցությամբ նա հարցրեց, թե արդյո՞ք նոր սպառնալիքների դեպքում պետք է սպասել նոր տարածքային զիջումների:


«Եթե դա այդպես լիներ, ապա 44-օրյա պատերազմից առաջ և ընդհանրապես վերջին 3 տարիների ընթացքում մեր կառավարությունը կհանձներ այն տարածքները, որոնց հանձնման շուրջ բանակցություններ էին վարվում վերջին տասնամյակների ընթացքում»,- ասաց նա: Փաշինյանը շեշտեց, որ բանակցությունների ողջ ընթացքում հայկական կողմը երբեք չի հերքել Լեռնային Ղարաբաղի հարակից շրջաններն Ադրբեջանին հանձնելու անխուսափելիությունը:

Տպել

Թեմայի այլ նորություններ
Загрузка...