Վրաստանի արտաքին առևտրային շրջանառությունը տարեսկզբից աճել է 21,8%-ով

2021 թվականի հունվար-հուլիս ամիսներին Վրաստանի արտաքին ապրանքաշրջանառությունը կազմել է 7,485 մլրդ դոլար, ինչը 21,8 տոկոսով ավելի է, քան անցյալ տարվա համապատասխան ժամանակահատվածում:

Այդ մասին տեղեկանում ենք Վրաստանի վիճակագրության ազգային ծառայության (Գրուզստատ) նախնական տվյալներից:

«Արտահանումը կազմել է 2,275 մլրդ դոլար կամ 27,8 տոկոսով ավելի, իսկ ներմուծումը կազմել է 5,209 մլրդ դոլար կամ 19,3 տոկոսով ավելի։ 2021 թվականի հունվար-հուլիս ամիսներին առևտրային հաշվեկշռի բացասական սալդոն կազմել է 2,933 մլրդ դոլար եւ արտաքին առեւտրաշրջանառության 39,2 տոկոսը», – ասված է հետազոտության մեջ: