Վահան Քերոբյանը Վրաստանում քննարկել է տարանցիկ փոխադրումների հետ կապված խնդիրները

Էկոնոմիկայի նախարարի պաշտոնակատար Վահան Քերոբյանը եւ նախարարի տեղակալ Ավագ Ավանեսյանը երկօրյա աշխատանքային այցով գտնվում են Վրաստանի Հանրապետությունում։

Նախարարության մամուլի ծառայությունից տեղեկացնում են, որ հուլիսի 29-ին Վահան Քերոբյանի գլխավորած պատվիրակությունը հանդիպել է Վրաստանի ֆինանսների նախարար Լաշա Խուցիշվիլիի հետ։

Գործընկերները քննարկել են երկու երկրների միջեւ տարբեր ոլորտներում համագործակցության հնարավորությունները, անդրադարձել տնտեսական կապերի ամրապնդման, հարկային ու մաքսային ոլորտներում համագործակցության կարեւորության հարցերին։

Կողմերը քննարկել են նաեւ Վրաստանի տարածքով տարանցիկ փոխադրումների հետ կապված խնդիրները։