ԱՊՀ-ի առաքելությունը հայտարարել է Հայաստանի ընտրություններում աննշան խախտումների մասին

Այն խախտումները, որոնք տարբեր ծառայություններն արձանագրում են ԱԺ արտահերթ ընտրությունների ժամանակ, համակարգային չեն և չեն կարող ազդել կամարտահայտության արդյունքների վրա։

Այս մասին կիրակի, պատասխանելով ՏԱՍՍ-ի հարցին, հայտարարել է ԱՊՀ-ից դիտորդների առաքելության ղեկավար Իլհոմ Նեմատովը։

«Կան ինչ – որ [խախտումների մասին] հաղորդումներ, որոնք մենք ստացել ենք ոստիկանությունից, այլ ծառայություններից, բայց դա ոչ համակարգային բնույթ ունի եւ չի ազդում ընտրությունների արդյունքների վրա», - ասել է Նեմատովը:

VERELQ-ը հայտնում է, որ այսօր առավոտյան ժամը 08,00-ին Հայաստանի տարածքում բացվել են բոլոր ընտրատեղամասերը:

Ընտրություններն աննախադեպ են մասնակիցների թվաքանակով՝ քաղաքացիները պետք է քվեարկեն 25 քաղաքական ուժերից ՝ 21 կուսակցության կամ 4 դաշինքներից մեկի օգտին:

Հայաստանի Հանրապետության ընտրողների ռեգիստրում ընդգրկված ընտրողների ընդհանուր թիվը 2 մլն 578 հազար 678 է:

Նշենք, որ կուսակցություններին անհրաժեշտ է հաղթահարել 5%-ի, իսկ դաշինքներին՝ 7% շեմը: