Արցախում ռուս խաղաղապահները մարտական պատրաստության պարապմունքներ են անցկացրել

Ռուսական խաղաղապահ զորախմբի զինծառայողները կատարում են իրենց պատասխանատվության գոտում կողմերի սահմանազատման գծում հրադադարի ռեժիմի պահպանման վերահսկողության խնդիրները, ինչպես նաեւ ապահովում են ավտոտրանսպորտի երթեւեկության, Լաչինի միջանցքով Պարենի եւ տարբեր ապրանքների փոխադրման անվտանգությունը: Այս մասին հայտնում է ՌԴ ՊՆ մամուլի ծառայությունը։

Այսպես, պլանային կարգով ռուսական խաղաղապահ զորախմբի զինծառայողները մարտական պատրաստության պարապմունքներ են անցկացրել։ Դիտարկման կետի անվտանգության ապահովման վարժանքի ընթացքում խաղաղապահները մշակել են սադրիչ գործողությունների կանխարգելման, դիտակետում հարձակման հետ մղման, հերթապահ ստորաբաժանումների ներգրավմամբ եւ հրշեջ հաշվարկով հարցերը:

Ազդանշան ստանալիս խաղաղապահները հնարավորինս կարճ ժամանակում գրավել են նախապես սարքավորված դիրքեր։ Այդ դիրքերի պաշտպանությունն ուժեղացնելու համար գործի են դրվել ԲՏՌ-82Ա զրահամեքենաների հերթապահ ստորաբաժանումները:

Մարզման մտահղացմամբ՝ զրահամեքենաներից մեկը շարքից դուրս է եկել եւ այրվել։ Դեպքի վայր է մեկնել մեկ մարտական հաշվարկ: Հրդեհը մարելու համար դեպքի վայր է մեկնել մեկ մարտական հաշվարկ:

Իր հերթին, խաղաղապահ զորակազմի բժշկական հատուկ նշանակության ջոկատի կազմից զինվորական բժիշկները մշակել են առաջին բուժօգնության տրամադրման եւ պայմանական վիրավոր զինծառայողի տարհանման նորմատիվները:

Անցած շաբաթվա ընթացքում խաղաղապահ զորախմբի պատասխանատվության գոտում հրադադարի ռեժիմի խախտումներ չեն եղել, ռուս զինծառայողների նկատմամբ սադրիչ գործողություններ չեն արձանագրվել:

Ռուսական խաղաղապահ զորախմբի բոլոր դիտակետերը սարքավորված են "Բլոկպոստ" ամրաշինական կառույցներով, որոնք նախատեսված են զինծառայողներին հրաձգային զենքից եւ բեկորներից պաշտպանելու, ինչպես նաեւ հարակից տարածքին շրջանաձեւ հսկողություն իրականացնելու համար:

Ռուսաստանի նախագահի, Ադրբեջանի նախագահի և Հայաստանի վարչապետի համատեղ հայտարարության մեջ նշված պայմանավորվածությունների համաձայն, ս. թ. նոյեմբերի 10-ին ժամը 00:00-ից Մոսկվայի ժամանակով հայտարարվել է Լեռնային Ղարաբաղում կրակի և բոլոր ռազմական գործողությունների լիակատար դադարեցում:

Լեռնային Ղարաբաղում կրակի դադարեցման եւ ռազմական գործողությունների վերահսկման համար տեղակայված է Ռուսաստանի Դաշնության խաղաղապահ զորախումբը: