Մուրադովը բանակցում է, որ մեր գերեվարված զինծառայողը մինչև օրվա վերջ վերադարձվի. Ավագյան

Արցախում ռուս խաղաղապահների հրամանատար գեներալ-լեյտենանտ Ռուստամ Մուրադովը բանակցություններ է վարում ադրբեջանական կողմի հետ և կատեգորիկ պահանջում, որ մինչև օրվա վերջ վերադարձնեն մեր գերեվարված զինծառայողին: Այս մասին Tert.am-ը տեղեկացավ Արցախի ԱԻՊԾ նախկին փոխտնօրեն Բորիս Ավագյանից:

Նա նշել է, որ եթե բանակցություններն արդյունք տան, ապա ռուս խաղաղապահները զինծառայողին ադրբեջանական տարածքից կվերցնեն և կփոխանցեն ՀՀ ԶՈՒ–ին:

VERELQ-ը հիշեցնում է, որ ՀՀ ՊՆ-ն այսօր հայտարարություն էր տարածել, որ հունիսի 8-ին, ՀՀ ԶՈՒ N զորամասի պայմանագրային զինծառայող, շարքային Ա. Քաթանյանը, մառախուղի պատճառով ապակողմնորոշվելով տեղանքում, հայտնվել է Ադրբեջանի ԶՈւ վերահսկողության տակ գտնվող տարածքում։ Ադրբեջանի ՊՆ հայտարարությունը Ա. Քաթանյանի՝ դիվերսանտ լինելու մասին չի համապատասխանում իրականությանը։