Բայդենն Էրդողանի հետ ՆԱՏՕ-ի գագաթնաժողովի շրջանակներում կքննարկի ղարաբաղյան խնդիրը

ՆԱՏՕ-ի գագաթնաժողովի շրջանակներում Միացյալ Նահանգների նախագահ Ջո Բայդենը Թուրքիայի նախագահ Ռեջեփ Թայիփ Էրդողանի հետ կքննարկի Սիրիայում, Իրանում, Աֆղանստանում, Լեռնային Ղարաբաղում և Միջերկրական ծովում տիրող իրավիճակը:

«Նրանց (երկու երկրների նախագահների - խմբ.) առջեւ դրված է լայն օրակարգ՝ խնդիրներ տարածաշրջանում, Արեւելյան Միջերկրածովյան տարածաշրջանում, Սիրիայում, Իրանում, Լեռնային Ղարաբաղում և, իհարկե, այն դերը, որը Թուրքիան խաղալու է Աֆղանստանի վերաբերյալ բանակցություններում և դիվանագիտությունում», - «ՌԻԱ Նովոստի»-ին մեջբերում է ԱՄՆ նախագահի ազգային անվտանգության հարցերով խորհրդական Ջեյկ Սալիվանի խոսքը:

Նշվում է, որ քննարկումների թեմաներից է նաև ԱՄՆ-ի և Թուրքիայի միջեւ էական տարաձայնությունների լուծումը, օրինակ՝ մարդու իրավունքների եւ այլոց հարցում:

Ավելի վաղ հայտնի էր դարձել, որ Բայդենը արտասահմանյան շրջագայության ժամանակ հանդիպելու է Մեծ Բրիտանիայի վարչապետ Բորիս Ջոնսոնի եւ Էրդողանի հետ: