Ռուս խաղաղապահներն ապահովում են Ղարաբաղում վերականգնողական աշխատանքների անվտանգությունը

Ռուսական խաղաղապահ զինծառայողները շարունակում են իրականացնել հրադադարի ռեժիմի վերահսկման եւ Լեռնային Ղարաբաղում կողմերի սահմանազատման գծի մերձակայքում բնակավայրերի ենթակառուցվածքի վերականգնման աշխատանքների անվտանգության ապահովման խնդիրները:

Այս մասին հայտնում է Ռուսաստանի Պաշտպանության նախարարությունը։

Այսպես, Մարտունու շրջանում ռուս խաղաղապահների անվտանգությունն ապահովելիս աշխատանքներ են տարվում սնուցող հորերի էլեկտրահաղորդման գծի վերականգնման ուղղությամբ, որը խմելու ջուրը մատակարարում է մոտակա բնակավայրեր։

Լեռնային Ղարաբաղի տարածքում մարտական գործողությունների ընթացքում բնակավայրերն ու քաղաքները սնուցող էլեկտրահաղորդման գծերի մի մասը վնասվել է եւ հայտնվել սահմանազատման գծի մոտ: Քանի որ նման տարածքներում աշխատանքներ իրականացնելը տեղի բնակչությունը վախենում է, ռուսական խաղաղապահ զորակազմի մարդասիրական արձագանքման կենտրոն են ընդունվում անվտանգության ապահովման հայտեր:

Ընդհանուր առմամբ, ռուս խաղաղապահների աջակցությամբ վերականգնվել է ավելի քան 100 կմ էլեկտրահաղորդման գծեր սնուցող բնակավայրեր եւ կարեւոր սոցիալական օբյեկտներ:

Ռուսաստանի նախագահի, Ադրբեջանի նախագահի և Հայաստանի վարչապետի համատեղ հայտարարության մեջ նշված պայմանավորվածությունների համաձայն, ս. թ. նոյեմբերի 10-ին ժամը 00:00-ից Մոսկվայի ժամանակով հայտարարվել է Լեռնային Ղարաբաղում կրակի և բոլոր ռազմական գործողությունների լիակատար դադարեցում:

Լեռնային Ղարաբաղում կրակի դադարեցման եւ ռազմական գործողությունների վերահսկման համար տեղակայված է Ռուսաստանի Դաշնության խաղաղապահ զորախումբը: