ԱԺ նախագահի գլխավորած պատվիրակությունը պաշտոնական այցով կմեկնի Լիտվա

Այսօր՝ մայիսի 11-ին, սկսվում է ՀՀ Ազգային ժողովի նախագահ Արարատ Միրզոյանի գլխավորած պատվիրակության պաշտոնական այցը Լիտվայի Հանրապետություն: Այս մասին հայտնում է խորհրդարանի մամուլի ծառայությունը։

Պատվիրակության կազմում են ԱԺ ֆինանսավարկային և բյուջետային հարցերի մշտական հանձնաժողովի նախագահ Արամ Խաչատրյանը, հանձնաժողովի նախագահի տեղակալ Արամ Մանուկյանը, Հայաստան–Լիտվա բարեկամական խմբի ղեկավար Արման Բեղլոյանը, ԵԱՀԿ ԽՎ-ում հայկական պատվիրակության ղեկավար Արսեն Կոնջորյանը:

Պաշտոնական այցի շրջանակներում սպասվում են հանդիպումներ Լիտվայի Հանրապետության բարձրագույն ղեկավարության հետ: