Բոլոր ռազմագերիների վերադարձի հարցը պետք է լուծվի հնարավորինս արագ. Արա Այվազյան

Ամենակարևոր խնդիրն այն է, որ Ադրբեջանը վերադարձնի բոլոր ռազմագերիներին և բռնի կերպով պահվող անձանց: Այս մասին հայտարարել է ՀՀ ԱԳ նախարարի պաշտոնակատար Արա Այվազյանը ՌԴ ԱԳ նախարար Սերգեյ Լավրովի հետ ընդլայնված ձևաչափով հանդիպման ժամանակ․ 


«Եվ այս խնդիրը պետք է հնարավորինս արագ լուծվի, որի մասին վկայում են նաև միջազգային մարդասիրական իրավունքի շարունակական զանգվածային խախտումները»,- ասել է նա։


Նախարարի պաշտոնակատարը նաև անդրադարձել է հայ-ռուսական հարաբերություններին՝ նշելով, որ Հայաստանի և Ռուսաստանի միջև փոխգործակցության դաշնակցային բնույթը կանխորոշում է այն խնդիրների շրջանակը, որոնք համատեղ հասցեագրում են` ի շահ մեր ժողովուրդների բարեկամության առավել ամրապնդման և անվտանգության, խաղաղության ու կայունության պայմաններում մեր երկրների զարգացման:

Տպել

Թեմայի այլ նորություններ
Загрузка...