Մեր զոհերի թվը կլինի 4000-ի կարգի՝ +/- 50. Նիկոլ Փաշինյան

Այսօրվա դրությամբ, մահվան վկայականներով հաստատված և ինքնությունները պարզված, ունենք 3621 զոհ: Այս մասին ԱԺ-ում հայտարարեց ՀՀ վարչապետ Նիկոլ Փաշինյանը:

Նրա խոսքով, անհետ կորածների ցուցակում ունենք 321 մարդ, կա ԴՆԹ հետազոտման մեջ գտնվող 201 մարմին կամ մասունք.

«Ունենք ավելի քան 100 նույնականացված մարմին, որ նույնականցվել են հարազատների հետ, բայց հարազատներն ինչ-ինչ պատճառներով առայժմ հրաժարվում են ընդունել այդ փաստը: Կան ընտանիքներ, որոնք չեն վստահում ԴՆԹ հետազոտության արդյունքներին և սեփական ուժերով արտերկրում են նախաձեռնում այդպիսիք», - ասաց նա:

Փաշինյանն ընդգծեց՝ մեր զոհերի թվը կլինի 4000-ի կարգի՝ +/- 50. «Ներողություն արտահայտության համար», - հավելեց նա:

Իր խոսքից հետո պատգամավորները մեկ րոպե լռությամբ հարգեցին պատերազմի զոհերի հիշատակը: