Կրեմլում հերքել են Ղարաբաղում «Իսկանդերների» կիրառման մասին լուրերը

«Իսկանդեր» հրթիռային համալիրները չեն կիրառվել Լեռնային Ղարաբաղում իրավիճակի սրման ընթացքում, եւ դա հաստատվել է, հայտարարել է Ռուսաստանի նախագահի մամուլի քարտուղար Դմիտրի Պեսկովը: Այս մասին հայտնում է ՌԻԱ Նովոստին։

«Ոչ, որքան ես հասկանում եմ, դա նոր տեղեկատվություն է։ Ինձ հայտնի չէ, արդյոք դա զեկուցում էին զինվորականների գծով, արդյոք մեր զինվորականները դրա մասին ինչ-որ մանրամասն տեղեկություններ ունեն։ Դա, իհարկե, ավելի շատ իրենց իրավասությունն է», - ասել է Պեսկովը, պատասխանելով այն հարցին, թե հայտնի է արդյոք նախագահին ղարաբաղյան հակամարտության գոտում "Իսկանդեր" հրթիռի ռուսական բեկորի հայտնաբերման մասին ադրբեջանական կողմի տարածած հաղորդագրության մասին:

«Դուք հիշում եք «Իսկանդերի» հետ կապված պատմությունը, որ նրանք չեն կիրառվել հակամարտության ժամանակ: դա հաստատվել է», - ասել է Պեսկովը: