ԶՈւ գլխավոր շտաբը բնականոն աշխատում է, որևէ խնդիր չկա գեներալների հետ. Արտակ Դավթյան

ԶՈՒ Գլխավոր շտաբի պետ Արտակ Դավթյանը հայտարարել է իր ղեկավարած գերատեսչությունում իրավիճակի հանգուցալուծման մասին՝ նշելով, որ որեւէ խնդիր չկա:

«Գլխավոր շտաբը բնականոն աշխատում է, որևէ խնդիր չկա, իրավիճակը հանգուցալուծված է», - այսօր՝ ապրիլի 2-ին, «Եռաբլուր» պանթեոնում լրագրողների հետ զրույցում նշեց ԶՈՒ Գլխավոր շտաբի պետ Արտակ Դավթյանը՝ հավելելով, որ դատարանի որոշումը եւ մեկնաբանությունները իրավաբանների գործն է»:

Նա նշել է, որ «շատ լավ է աշխատում» այն զինվորականների հետ, որոնք պահանջել են վարչապետի հրաժարականը: «Կոլեկտիվն աշխատում է և կատարում այն խնդիրները, որոնք դրված են ԳՇ-ի առջեւ», - ասել է նա՝ չցանկանալով մեկնաբանել հարցը, թե արդյոք ԳՇ-ի հայտնի հայտարարությունը քաղաքակա՞ն էր, թե ոչ: