Սպիտակ բանակի ներկայացուցիչներն արժանացան «Որակի նշան» մրցանակների

2020 թվականը մարտահրավերներով լի էր, իսկ հաղթահարման գործում մեծ անելիք ունեցան նաև իրենց գործի նվիրյալ բժիշկները: Արցախյան 44-օրյա պատերազմի օրերին և Covid 19-ով վարակվածների բուժման գործում իրենց անձնվեր աշխատանքով աչքի ընկած բժիշկները, ինչպես նաև՝ այն երիտասարդ բժիշկները, որոնք արդեն իսկ իրենց ավանդն ունեն առողջապահության զարգացման գործում ստացան «Որակի նշան» մրցանակներ:

«Որակի նշան 2020՝ նվիրյալ բժիշկ և տարվա երիտասարդ» մրցանակաբաշխությունն իրականացվում է «Որակի նշան» ընկերության նախաձեռնությամբ։ Մրցանակակիրները որոշվել են Հայկական բժշկական ասոցիացիայի տվյալների, հետազոտությունների և հասարակության շրջանում անցկացված հարցումների հիման վրա:

Հայրենիքի նվիրյալ, բարերար Հրաչյա Պողոսյանին մրցանակ տրվեց հայրենիքին և բժշկությանը ցուցաբերած մարդասիրական աջակցության և նվիրումի համար:

«Տարվա երիտասարդ բժիշկ 2020» մրցանակը ազգանվեր գործունեության, բժշկության մեջ նոր մտքերի և գաղափարների ներդրման համար տրվեց Խաչիկ Համբարձումյանին, Տիգրան Պողոսյանին, Գոռ Ամիրբեկյանին, Անդրանիկ Եղիազարյանին, Վահան Պետրոսյանին, Դավիթ Համբարձումյանին, Լևոն Գրիգորյանին, Իռեն Ռաֆաելովային, Արթուր Հակոբյանին, Սոնա Սարգսյանին, Նանա Ասատուրյանին, Գոռ Անանյանին, Անուշ Գասպարյանին, Սևակ Բադալյանին, Արամ Միրիջանյանին, Գոհար Ուստաբաշյանին, Արմեն Ներսիսյանին, Հայկ Հովհաննիսյանին, Արման Բաբկենի Դանոյանին, Թամարա Ջանվելյանին, Աշոտ Հովսեփյանին, Վազգեն Մնացականյանին և Արտյոմ Մկրտչյանին:

«Տարվա նվիրյալ բժիշկ 2020» մրցանակը հայրենական բժշկության մեջ ներդրած ավանդի, անձնվեր աշխատանքի և անմնացորդ նվիրման համար ստացան Մամիկոն Եղունյանը, Արսեն Վահրամյանը, Սևակ Շահբազյանը, Գեորգի Գրիգորյանը, Նարինե Պետրոսյանը, Տարոն Տոնոյանը, Սամվել Սոկրատի Գևորգյանը, Հակոբ Հովհաննիսյանը, Մարինա Մկրտչյանը, Էդիտա Ղարիբյանը Տիգրան Շավարշի Քոչարյանը, Աղաջանով բժիշկների ընտանիքը, Ադամյան ընտանիքը, Նունե Բաղդասարյան, Գեղամ Խանդանյանը, Արայիկ Ղարիբյանը, Վիոլետա Սարգսյանը, Ասատուր Հովսեփյանը, Սուրեն Ստեփանյանը և Զարեհ Տեր-Ավետիքյանը:

«Տարվա առաջատար բժշկական կենտրոն» մրցանակը տրվեց «Best life» հայ-ճապոնական բժշկական կենտրոնին:

Մեծարման երեկոյին և մրցանակաբաշխությանը ներկա էին երևանյան և մարզային, ինչպես նաև` Արցախի տարբեր բուժհաստատությունների առաջատար մասնագետները: