Ռազմական դրությունն առաջիկայում կհանվի. Ալեն Սիմոնյան

Ռազմական դրությունն առաջիկայում կհանվի: Այս մասին ԱԺ-ում լրագրողների հետ ճեպազրույցում ասաց ԱԺ փոխնախագահ Ալեն Սիմոնյանը:

Ըստ էության, նա կրկնեց ընդդիմադիր պատգամավոր Էդմոն Մարուքյանին:

Սիմոնյանի խոսքով, դա տեղի կունենա մինչև արտահերթ ընտրությունները:

VERELQ-ը հիշեցնում է, որ նախօրեին Նիկոլ Փաշինյանը հայտարարեց, որ Հայաստանում արտահերթ խորհրդարանական ընտրությունները կանցկացվեն հունիսի 20-ին: Ավելի ուշ "Լուսավոր Հայաստան" ԱԺ խմբակցության ղեկավար Էդմոն Մարուքյանը տեղեկացրեց, որ ռազմական դրությունն էլ մոտ օրերս կհանվի: