Փաշինյանը «սպառնաց» վերադառնալ նախկին սահմանափակումներին

Հայաստանում կորոնավիրուսով վարակման նոր դեպքերի աճ կա: Այս մասին կառավարության նիստում հայտարարեց Նիկոլ Փաշինյանը:

Լսելով առողջապահության նախարար Անահիտ Ավանեսյանի զեկույցն այն մասին, որ միայն երեկ իրականացվել է 4285 թեստավորում, որից դրական է եղել 748-ը, այս պահին ունենք 901-ը հոսպիտալացված և մոտ 100 ազատ մահճակալ, Փաշինյանն արձագանքեց՝ պետք է հակահամաճարակային կանոնները մաքսիմալ պահել:

«Մենք պետք է շարժվենք այն ճանապարհով, որ սահմանափակումներ սահմանելու անհրաժեշտությույն չլինի: Կոչ եմ անում մեր ժողովրդին առանձնահատուկ ուշադրություն դարձնել խնդրի վրա, որովհետև մեզնից յուրաքանչյուրի անհատական մոտեցումը էական նշանակություն է ունենալու այս հարցում», - ասաց նա: