Մամեդյարով. Վիեննայի բանակցությունները հակամարտության կարգավորման հնարավորություններ են ստեղծում

Ադրբեջանի ԱԳ նախարար Էլմար Մամեդյարովը հայտարարել է, որ Վիեննայում ղարաբաղյան հակամարտության շուրջ բանակցությունները լավ հնարավորություներ են ստեղծում խաղաղ գործընթացի մեկնարկի համար:

«Ես համաձայն եմ ՌԴ ԱԳ նախարար Սերգեյ Լավրովի գնահատականի հետ, որ նախօրեին կայացած բանակցությունները լավ հնարավորություն են տալիս սկսել սուբստանցային բանակցություններ՝ խնդրի փուլային կարգավորման հիմքի վրա», - նշել է Մամեդյարովը` մեկնաբանելով ՀՀ-ի ու Ադրբեջանի նախագահների հանդիպուը, որը կայացել է Վիեննայում, փոխանցում է АПА:

Նախարարը նշել է, որ տվյալ բանակցությունները պետք է ընթանան ինչքան հնարավոր է շուտ և արդարացնեն տարածաշրջանում բնակվող մարդկանց և համաշխարհային հանրության սպասելիքները շոշափելի արդյունքներով:

Հիշեցնենք, որ Վիեննայում Ֆրանսիայի, ԱՄՆ-ի եւ ՌԴ արտաքին գերատեսչությունների ղեկավարների մասնակցությամբ կայացած Սարգսյան-Ալիև հանդիպմանը մի շարք համաձայնություններ են ձեռք բերվել ԼՂ հակամապտության վերաբերյալ:

Մասնավորավպես, նախագահները վերահաստատել են հրադադարին և հակամարտության խաղաղ կարգավորմանն իրենց հանձնառությունը: Հետագա բռնությունների վտանգը նվազեցնելու համար նրանք համաձայնել են ամենակարճ ժամկետներում ավարտին հասցնել ԵԱՀԿ-ի հետաքննական մեխանիզմների ներդրման աշխատանքները: Նախագահները նաև համաձայնել են ԵԱՀԿ-ի գործող նախագահի անձնական ներկայացուցչի գրասենյակի ընդլայնմանը: Ի վերջո, նրանք համաձայնել են շարունակել անհետ կորածների վերաբերյալ տվյալների փոխանակությունը Կարմիր խաչի միջազգային կոմիտեի հովանու ներքո՝ հաշվի առնելով 2014 թվականի հոկտեմբերին Փարիզի գագաթնաժողովի ժամանակ ստանձնած պարտավորությունները: