ՊԵԿ-ը հստակ պատկերացում չունի ապաշրջափակման հնարավոր ազդեցության մասին

Հայաստանի Պետեկամուտների կոմիտեն հստակ պատկերացում չունի երկրի տնտեսության վրա տարածաշրջանում հաղորդակցության ուղիների ապաշրջափակման հնարավոր ազդեցության մասին։

Այսօր՝ փետրվարի 24-ին, լրագրողների հետ զրույցում ՊԵԿ նախագահ Էդվարդ Հովհաննիսյանը նշել է, որ սահմանների ապաշրջափակման հարցը ներկայումս քննարկման փուլում է, սակայն պատկերը դեռ պարզ չէ:

«Այս փուլում դժվար է որևէ հաշվարկ անել, քանի որ մենք չգիտենք, թե որտեղից են բացվելու սահմանները, ինչ հնարավորություններ են տրվելու», - ասաց նա:

Մեկնաբանելով այն հարցը, թե ինչ փուլում են գտնվում եռակողմ միջգերատեսչական հանձնաժողովում հաղորդակցության ապաշրջափակման հարցը, Հովհաննիսյանը նշել է, որ լիազորված չէ պատասխանել նման հարցերին: